'' रात्र... ''

हल्ली रात्र मला फार जवळची वाटते.. !!
अंधाराने व्यापलेली..
काळोखात कोंडलेली..
पण.. तरीही..
असंख्य नक्षत्रांनी वलयांकीत..
म्हणूनच कदाचित..' ती ' मला ' माझी ' वाटते.. !!
किणकिणणारी कांकणं..क्वचितच इवल्याशा धक्यानेही..
खळकन फुटतात..
अगदी तस्संच.. एखाद्या रात्री..
नि:शब्द वेगाने..एखादंच नक्षत्र..
पृथ्वीच्या ओढीने.. आकाशातून झेपावतं..
आणि.. मी मात्र.. त्याच्या साक्षीने का होईना..
खोल आंतर मनातली एखादि तरी सुप्त इच्छा..
मनातल्या मनात त्याला बोलून दाखवते..
माझं नशीब त्याच्यावर सोपवून..
मी निश्चिंतपणे झोपी जाते.. !
पण त्याचंही दुर्दैव असं..की..
ज्या ओढीने त्यानं हा अंत्:कालाचा तेज:पुंज प्रवास केला..
त्याचाही शेवट केवळ मातीत मिसळून व्हावा.. ??
मग..
माझ्यापेक्षा ते नक्षत्रंच मला जास्त कमनशीबी वाटू लागतं...
निदान तेव्हातरी....
माझ्याइतकं नशीबवान या जगात कुणीच नसतं !!!
म्हणूनच माझं रात्रीशी जरा जास्तंच पटतं..
माझ्या नशीबाचं पुन्हा पुन्हा कोडकौतुक करण्यासाठी का होईना...
त्या रात्रीची मी वाट पाहते..
कदाचित........
म्हणूनच......
हल्ली रात्र मला फार जवळची वाटते.. !!!