'' जमेल ??? "

उदास वाटा , उदास वळणे;
वळणावरती उगाच वळणे..

आठवणींच्या उंबरठ्याशी..
पुन्हा पुन्हा माझे घुटमळंणे..

सरेल का ही पायपीट;
अन सुन्या सावल्यांपाठी पळणे..

निवांत मृत्यूशय्येवरती..
निपचित लाकूड होऊन जळणे..?

जमेल का मज कठोर होऊन
निर्जीव पाषाणासम जगणे..

त्रयस्थ दृष्टी ठेवून माझ्या
तटस्थ आयुष्याला बघणे..?

जमेल सारे .. जमेल तेव्हा..
सरेल अवघे माझे मीपण..

उरेन माझी मीच एकटी..
अन..
विवंचनांचे विशाल अंगण !!! ??