THANKS..!!

आज मी खर्‍या अर्थाने शहाणी झाले...
आणि तुझ्यापासून पूर्णतः वेगळी..
आता कुठलेच किंतु परंतु नाहीत..
गाढ निद्रेतून ..
नव्हे .. पोकळ स्वप्नातून जागी झाले..
THANKS..
मला जागवल्याबद्दल... !!

काही आभास आयुष्याला तेजाचं वलय देतात..
काही आवाज .. भविष्याला.. पंखांचं बळ देतात..
तुझा आवाज.. आणि तुझं अस्तित्व ..
दोन्ही अनाकलनीय होतं..
नव्हे . क्षणभंगुर होतं..
THANKS..
आज ते जाणवल्याबद्दल.. !!

जशा आठवणी शाश्वत असतात..
तसेच आघातही बोथट होत जातात..
शंभर खुलासे.. आणि दोन चार दिलासे..
इतकाच असतो आपला प्रवास..
THANKS..
आज तोही संपवल्याबद्दल.. !!

आजची "मी" .. आणि कालची "मी"..
यात फरक इतकाच आहे की..
कालचे "आपण".. आज "आपण" राहीलो नाही..
आपापल्या वाटेवर.. आपापल्या विश्वात..
स्वतःपासून पूर्णतः वेगळे होऊन सुद्धा..
परिपूर्ण असल्याचा सा़क्षात्कार घडवून देतात..
ते आपले विचार..
ती आपली कृती..
आणि..
तो आपला 'नकार' ...
THANKS..
तो उच्चारल्याबद्दल... !!!