हात...

जरी इंद्रीयांमुळे मनाला..
कसे जगावे कळे..
तरी जीवना अर्थ लाभतो..
केवळ हातांमुळे..

पाठीवरती कौतुकाची थाप
हातांनी द्यावी..
विश्वासाची ऊब ..
हाताच्या स्पर्शातून मिळावी..

प्राजक्ताची फुले ओंजळीत..
भरूनी काठोकाठ..
दातृत्वाचे पुण्य घडावे..
हाताच्या बोटांत..

घाम गाळूनी हात राबती..
संसाराचा ध्यास..
या हातांतील रेषांमध्ये..
प्रारब्धाचा वास..

कलासक्त हातांनी द्यावा
आयुष्यास आकार..
या हातांची साथ जन्मभर..
स्वप्नांना साकार..!!