नुकताच आसवांना.. बिलगून स्पर्श गेला..
हळुवार हुंदक्यांना..रडवून स्पर्श गेला..
अनभिज्ञ .. तृप्त गात्री.. रोमांच वेचताना..
अस्थिर स्पंदनांना.. अडवून स्पर्श गेला..
अलगुज भावनांचे .. शब्दात मांडताना..
कवितेत शिल्प माझे.. घडवून स्पर्श गेला..
भावार्थ आर्जवांचा.. समजून सांगताना..
कित्येक गूढ गोष्टी .. पढवून स्पर्श गेला..
अनमोल त्या क्षणांना.. हृदयात शोधताना..
नक्षत्र अंतरंगी.. जडवून स्पर्श गेला..!!!
No comments:
Post a Comment