केशर सांडले.. हिरव्या रानात...
खारट पाण्याला.. लाली आली..
क्षारांचे अमृत .. रांगोळी रेखित..
मातीची कूसही.. ओली झाली... !!

संध्येची सोबत.. चिंचोळ्या वाटेत..
उन्हाची रंगत.. दूर गेली..
मिळता सोबत.. पाऊलवाटेत..
सख्याची संगत.. सूर झाली..!!

कींचित से लांब ..सवित्याचे बिंब..
मीरा झाली चिंब.. संध्यावेळी..
गोकुळाची सांज.. पाहूनीया धुंद..
माझीही पाऊले.. तिथे गेली..

शहरापासून.. निवांत रांगेत..
चालण्याची मौज.. मला आली..
जीवनाचे सार.. जाणूनीया थोर..
चित्रात बंदीस्त ..संध्या झाली..!!